للشاعر :  ابو فاطمة الرويمي

الشاعر

الشاعر يحجي بكل حريته

لو راد اينظم اشعاره

الشاعر يحجي بكل حريته

ومامش قيد ايقيد افكاره

يحجي البيه مرضاة الباري

مو لجل فلان او دولاره

بتار السانه ولتصدك

بالطك يتثلم بتاره

والشاعر منهو ايطفيها

لو يغتاض او شبت ناره

سيل احجاياته من ايهدها

ويجرف كل باطل بتاره

الشاعر غيم اسود ومجلجل

اشيحميه الضده امن امطاره

بحر اظلم ماواحد فاجه

بس الروج ايطك بكتاره

عار عليه يسكت عن الحك

وعن الباطل يغضي انظاره

وعار عليه لو دنك للذل

جاشنه اللي يغسل عاره

الشاعر نعمه

الشاعر حكمه

الشاعر رحمه

الشاعر نقمه

الشاعر فكره الشاعر ثوره

الشاعر كلشي ايصير الشاعر

لو للباري اينظم اشعاره

                                  الشعر الشعبي العراقي